پشاور، 30نومبر2024
گورنر خیبرپختونخوا فیصل کریم کنڈی نے جے یو آئی کے صوبائی سیکرٹریٹ مفتی محمود مرکز پشاور کا ہفتہ کے روز دورہ کیا، گورنر خیبر پختونخوا نےجے یو آئی کے صوبائی جنرل سیکرٹری مولانا عطاء الحق درویش و دیگر صوبائی رہنماؤں سے ملاقات کی، گورنر نے جے یو آئی کی صوبائی قیادت کو گورنر ہاؤس میں منعقد ہونیوالی کل جماعتی کانفرنس میں شرکت کی دعوت دی اورجے یو آئی صوبائی قیادت کو ضلع کرم میں قیام امن کیلئے کوہاٹ گرینڈ جرگہ میں ساتھ چلنے کی بھی دعوت دی، اس موقع پر جے یو آئی قیادت سے گفتگو کرتے ہوئے انہوں نے کہا کہ صوبہ کے حقوق، قیام امن سے متعلق کل جماعتی کانفرنس میں مشترکہ لائحہ عمل اختیار کرنا چاہتے ہیں، گورنر ہاؤس میں سیاسی قیادت کو صوبہ کے حقوق کیلئے مشاورت پر دعوت دے رہا ہوں،میرا یقین ہے کہ متحد ہو کر صوبہ میں قیام امن کیلئے ٹھوس تجاویز مرتب کی جا سکتی ہیں،