بھوٹان میں ساؤتھ ایشین ریجنل بیڈمنٹن چیمپئن شپ میں تین ایوارڈ یافتہ کھلاڑی قاری عدنان خلیل اور حمداللہ خلیل نے گورنر خیبرپختونخوا فیصل کریم کنڈی سے ملاقات کی ، ملاقات میں خیبرپختونخوا کے ہیڈکوچ ندیم خان خلیل ، کوچ حیات اللہ بھی موجود تھے وفد سے گفتگو کرتے ہوئے گورنر خیبرپختونخوا فیصل کریم کنڈی نے کھلاڑیوں کو عالمی ایوارڈ کے حصول پر مبارکباد پیش کی انہوں نے کہا کہ ہمارے صوبہ کے نوجوان انتہائی باصلاحیت ہیں انکی راہنمائی اور سرپرستی انتہائی ضروری ہے انہوں نے کہا کہ رواں ماہ گورنر ہاؤس میں خیبر پختون خواہ کے باصلاحیت کھلاڑیوں کی صلاحیتوں کو خراج تحسین پیش کرنے کے حوالے سے ایوارڈ کی تقسیم کی تقریب کا انعقاد کیا جا رہا ہے جس کے بعد ہم صوبہ کے مخیر حضرات اور مخلف اداروں سے اڈاپڈ پلیئر کے نام سے ایپلیکیشن لانچ کر رہے ہیں تاکہ کھلاڑیوں کی سرپرستی کے عمل کو یقینی بنایا جائے، انہوں نے اس موقع پر وفد کے شرکاء کو خصوصی شیلڈز پیش کیں